FCC Vanitha Toastmasters Club Meeting # 2

യോഗം -2 # 12 മാർച് 2016
വിഷയം-"സ്ത്രീ-ധനം"
വാക്ക്-"ശാക്തീകരണം"

എഫ് സി സി വനിതാ ടോസ്റ്റ്‌ മാസ്റ്റർ ക്ലബ്ബിന്റെ രണ്ടാമത്തെ യോഗം മാർച് 12 നു എഫ് സി സി മിനി ഹാളിൽ വെച്ച് കൃത്യം 6.15 നു ആരംഭിച്ചു.
മീറ്റിങ്ങിനു നല്ല തുടക്കം എന്ന പോലെ TM സഫൂര വളരെ ഹൃദ്യമായി എല്ലാവരെയും സ്വാഗതം ചെയ്തു. ശേഷം സദസ്സ് അധ്യക്ഷക്ക് കൈ മാറി.
അധ്യക്ഷ TM അപർണ റെനിഷ് ലോക വനിതാദിന ചിന്തകൾ സദസ്സുമായി പങ്കിട്ടു. മാർച്ച് 8 ലോക വനിതാദിനം.ദേശത്തിന്റെ അതിര്‍ത്തികള്‍ക്കും ഭൂഖണ്ഡങ്ങളുടെ സംസ്‌കാരങ്ങള്‍ക്കുമപ്പുറത്ത് വനിതകളുടെ അവകാശങ്ങള്‍ക്കായി ഒരു ദിനം.
മീറ്റിങ്ങിന്റെ പ്രമേയം "സ്ത്രീ- ധനം" ആയതു കൊണ്ട് തന്നെ സ്ത്രീകൾ എല്ലാമേഖലകളിലും ആദരിക്കപ്പെടുമ്പോൾ എഫ് സി സി യിലെ വനിതകൾക്ക് മാതൃകയും എല്ലാ ഉപദേശങ്ങളും നല്കി എല്ലാവര്ക്കും എപ്പോഴും എല്ലാ വിധ സഹായ ഹസ്തങ്ങളുമായ ഒരു വ്യക്തിത്വം അതെ എഫ് സി സി എക്സിക്യൂട്ടീവ് മെമ്പർ സൗദ അബ്ദുൽ ജബ്ബാർ എല്ലാവരും എഴുന്നേറ്റു നിന്ന് അവരോടുള്ള ആദരവ് പ്രകടിപ്പിച്ചു ശേഷം TM പവിത്ര ഫിലിപ്പ് പൂച്ചെണ്ട് നല്കി അവരെ ആദരിച്ചു.
ശേഷം അധ്യക്ഷ യോഗം ആരംഭിച്ചതായി പ്രഖ്യാപിക്കുകയും സദസ്സ് അന്നത്തെ TMOD സജ്ന മൻസൂറിലേക്ക് കൈ മാറി

                                           
"മാതാവിന്റെ കാൽകീഴിൽ സ്വർഗം" എന്ന ആമുഖത്തോടെ TMOD പ്രമേയത്തിലേക്ക് കടന്നു. സ്ത്രീ തന്നെ ഒരു ധനം അവൾ എവിടെയും ആദരിക്കപ്പെടെണം എന്നും ഇന്ന് സ്ത്രീകൾ അഭിമുഖീകരിക്കേണ്ടിവരുന്ന ആകുല വ്യഥകളെ കുറിച്ചും വാചാലമായി സംസാരിച്ചു. വളരെ ഹൃദ്യമായി അന്നത്തെ സഹ ടോസ്റ്റ്‌ മാസ്റ്റർ മാരെ സദസ്സിനു പരിചയപ്പെടുത്തി.
വ്യാകരണ വിദഗ്ദ്ധ -മഞ്ജു മിലാൻ
സമയ പാലക -ഹാരിസ അൽ ജാബർ
കേൾവിക്കാരി- ബിന്ദു ഹരിദാസ്
ശബ്ദ നിരീക്ഷക - സുനില അബ്ദുൽ ജബ്ബാർ
ആദ്യ പകുതിയിൽ തയ്യാറായി വന്ന പ്രസംഗ അവതരണത്തിൽ ഒരാളുടെ ഒഴിവു വന്നതിനെ തുടർന്ന് TMOD വ്യത്യസ്തമായ ഒരു കളിയിലേക്ക് സദസ്സിനെ കൂട്ടികൊണ്ടുപോയി. അതിഥികളായി എത്തിയവരും അതിൽ പങ്കാളികളായി തങ്ങളുടെ പ്രസംഗ പാടവം സദസ്സിനു മുമ്പിൽ പുറത്തെടുത്തു. അഭിനന്ദനങ്ങൾ TMOD സജ്ന.
മഞ്ഞു ഉരുക്കൽ പ്രസംഗ അവതരണത്തിന് തയ്യാറായി വന്ന TM ഷീബ അശോകനേയും മൂല്യകർത്താവു TM ആബിദ സുബൈരിനെയും സദസ്സിനു പരിചയപ്പെടുത്തി.
TM ഷീബ സ്വതസിദ്ധമായ ശൈലിയിൽ "മധുരമുള്ള ഓർമ്മ " എന്ന തലകെട്ടിലെ അവരുടെ ബാല്യകാല ഓർമ്മകളെ കുറിച്ച് സരസമായി സംസാരിച്ചു. ഒരു നിമിഷം.കോൽ ഐസ് എന്ന മധുരം എല്ലാവരുടെയും നാവിൽ എത്തിക്കാൻ അവർക്ക് കഴിഞ്ഞു.
രണ്ടാം പകുതിയിൽ മഞ്ഞുരുക്കൽ പ്രസംഗത്തിലെ അറിവുകളുടെ പ്രെസന്റെഷനുമായി TM പവിത്ര ഫിലിപ്പ്. കഴിഞ്ഞ 8 വർഷമായി ഈ പാതയിലുള്ള അവർ ICC EVES ക്ലബിലെ മുൻ പ്രസിഡന്റു കൂടിയാണ്. മഞ്ഞു ഉരുക്കൽ പ്രസംഗത്തിൽ അനുവർത്തിക്കേണ്ട സംഗതികളും സൂക്ഷമതകളും എന്തൊക്കെ എന്ന് വളരെ വിശാലമായി തന്നെ അവരുടെ പ്രസന്റെഷനിലൂടെയും വാക്കുകളിലൂടെയും വിശദീകരിച്ചു.
                                            
അവസാന പകുതിയിൽ രസകരമായ തത്സമയ പ്രസംഗ പരിപാടി കൈ കാര്യം ചെയ്യാൻ ആയി എത്തിയത് TM നബീല മസൂദ് ആയിരുന്നു. പാചകത്തിന് പുറമേ പ്രസംഗവും തനിക്കു വഴങ്ങും എന്ന് ബോധ്യപ്പെടുത്തുന്ന വിവിധങ്ങളായ സ്ത്രീ വിഷയങ്ങളുമായി ആണ് അവർ എത്തിയത് . പങ്കെടുത്ത TM ഫസ്ന അതിഥികളായി എത്തിയ ഫരീദ ,നസ്രി താബിത്, ലിജി അബ്ദുള്ള തുടങ്ങിയവര അവർക്കു നല്കിയ വിഷയങ്ങളിൽ വളരെ ആധികാരികമായി സംസാരിച്ചു.
അവസാനത്തിൽ യോഗത്തിന്റെ പൊതു മൂല്യ നിർണയം നടത്താൻ എത്തിയത് പൊതു മൂല്യ കർത്താവ്‌ TM പവിത്ര ഫിലിപ്പ് ആയിരുന്നു. വളരെ വ്യക്തവും കൃത്യവുമായി യോഗത്തിനെ വിശകലനം ചെയ്ത് അവർ സംസാരിച്ചു .യോഗത്തിന്റെ നല്ല വശങ്ങളെയും ഭാവിയിൽ ഉൾ പ്പെടുത്തേണ്ട ചില നുറുങ്ങുകളും സദസ്സുമായി TM പങ്കു വെച്ചു .
ശേഷം മൂല്യ കർത്താക്കളെ ക്ഷണിച്ചു. മഞ്ഞുരുക്കൽ പ്രസംഗത്തിന്റെ മൂല്യ നിർണയം മികച്ച അഭിപ്രായങ്ങളും നിർദേശങ്ങളുമായി TM ആബിദ നിർവഹിച്ചു.
മറ്റു കാര്യകർത്താക്കൾ അവരവരുടെ ദൌത്യങ്ങളുടെ റിപ്പോർട്ടുകൾ പൊതുമൂല്യ കർത്താവിന്റെ ആവശ്യ പ്രകാരം ഭംഗിയായി അവതരിപ്പിച്ചു. അഭിനന്ദനങ്ങൾ TM സുനില ,TM ഹാരിസ, TM മഞ്ജു, TM ബിന്ദു.
പിന്നീടു സദസ്സിന്റെ അഭിരുചിക്ക് അനുസരിച്ച് നടത്തിയ തിരഞ്ഞെടുപ്പിലൂടെ തത്സമയ പ്രസംഗത്തിന് അതിഥിയായെത്തിയ ഫരീദ അർഹയായ വിവരം അധ്യക്ഷ അറിയിച്ചു.
തുടർന്ന് അധ്യക്ഷ TM അപർണ അന്നത്തെ യോഗത്തെ കുറിച്ചുള്ള സദസ്സിന്റെ അഭിപ്രായങ്ങൾ ആരായുകയും നന്ദി പ്രകാശനം നടത്തുകയും ചെയ്തു. അടുത്ത യോഗത്തിന്റെ തീയതി മാര്ച്ച് 26 എന്ന് അറിയിക്കുകയും യോഗം അവസാനിച്ചതായി പ്രഖ്യാപിക്കുകയും ചെയ്തു.
നന്ദി
സുനില അബ്ദുൽ ജബ്ബാർ